नम्बर बढाउन सेक्स माग गर्ने शिक्षकलाई जेल सजाय

परिक्षाको नतिजामा नम्बर बढाउनका लागी छात्रासँग सेक्सको माग गर्ने नाइजेरियाका प्राध्यापक रिचार्ड एकिन्डेललाई सोमबार जेल सजाय तोकिएको छ । सिएनएनका अनुसार एकिन्डेलले मोनिका ओसागीको नम्बर बढाउनका लागि उनीसँग सेक्सको माग गरेका थिए ।

उनलाई छात्रामाथि अनुचित व्यवहार गरेको, आफ्नो उमेर ढाँटेको र प्रमाणमा फेरबदल गरेको आरोपमा दुई वर्षको जेल सजाय तोकिएको छ । २३ वर्षे ओसागीले सिएनएनसँगको अन्तर्वार्तामा एकिन्डेलविरुद्ध प्रमाण जुटाउनका लागि उनको कुराकानीलाई गोप्य तरिकाले रेकर्ड गरेको बताइन् ।