कञ्चपुरमा फेरि अर्की किशोरीमाथि सामूहिक बलात्कार

कञ्चनपुर, १५ भदौ । कञ्चनपुरमा फेरि अर्की किशोरी बलात्कृत भएकी छन् । निर्मला पन्तको बलात्कारपछि भएको हत्या र त्यसको अनुसन्धानलाई लिएर आन्दोलन मत्थर भइनसक्दै अर्की किशोरी बलात्कृत भएकी हुन् । बेल्डाँडी गाउँपालिकामा बिहीबार राति किशोरी बलात्कृत भएकी हुन् । पीडितले इलाका प्रहरी कार्यालय, बेल्डाँडीमा दिएको जानकारी अनुसार उनीमाथि सामूहिक बलात्कार भएको छ ।

प्रहरीका अनुसार किशोरीको घरमा पुजा भएको वेलामा एक युवकले उनलाई सडकमा बोलाएका थिए । र, मोटरसाइकलमा लगेर बलात्कार गरेका थिए । घटना बारे अनुसन्धान भइरहेको प्रहरीले बताएको छ ।