काठमाडौँ,५ चैत। आइसीसी विश्वकप क्रिकेट छनोट प्रतियोगिता खेल्न जिम्बावे पुगेको नेपाली टोली आज नेपाल फर्कदै छ । बेलुकी ५ बजेर ५५ मिनेट जाँदा जिम्बाबेबाट दुबाई हुँदै त्रिभुवन अन्तर्राष्ट्रिय विमास्थलमा आइपुग्ने बताईएको छ ।
विश्वकप क्रिकेट छनोट प्रतियोगिताबाट एक दिवसीय अन्तर्राष्ट्रिय टोलीको हैसियत बनाएको नेपाली टोली ऐतिहासिक सफलताका साथ देश फर्किन लागेको हो ।
६ मध्ये २ खेलमात्रै जिते पनि एशोसिएट राष्ट्रहरुमा तेस्रो हुँदै नेपालले आगामी ४ वर्षका लागि एक दिवसीय मान्यता पाएको छ ।
हङकङलाई जितेको नेपालले पहिलो प्लेअफ खेलमा पपुवा न्यूगिनीलाई हराउँदै एकदिवसीय मान्यता निश्चित गरेको थियो । सातौं स्थानका लागि भएको खेलमा भने नेदरल्याण्ड्ससँग ४५ रनले हारेपछि आठौं स्थानमा सीमित रहृयो ।