गुणस्तरहिन प्राथमिक स्वास्थ्य केन्द्र सुरुङ्गाको निर्माणाधीन भवन (भिडियाे सहित)

स्थानीयवासीले निर्माणाधीन प्राथमिक स्वास्थ्य केन्द्रको भवन गुणस्तरहीन भएको भन्दै चर्काे विरोध जनाएपछि कनकाई नगरपालिकाले भवन निर्माणको तत्काल काम रोक्न निर्देशन दिएको छ । नगरप्रमुख राजेन्द्रकुमार पोखरेलले निर्माण व्यवसायीलाई भवन निर्माणको काम गुणस्तरहीन भएको भन्दै काम रोक्न निर्देशन दिएका हुन ।

प्राथमिक स्वास्थ्य केन्द्रको भवन गुणस्तरहिन भएपछि नगरप्रमुख पोखरेलले व्यवस्थापन समितिलाई सम्झौता बमोजिम किन काम भएन र अव के गर्ने भन्ने विषयमा छलफलका लागि शुक्रवार बैठक बोलाउनु भएको छ । वैठक विहान आठ बजे बस्ने तयारी गरिएको वुझिएको छ ।

नगरप्रमुखका नाताले प्राथमिक स्वास्थ्य केन्द्रको संरक्षक म आफैं भएपनि भवन निर्माण सम्पन्न गरेर हस्तान्तरण नगरिएका कारण भवन निर्माणका विषयमा आफूहरुले सम्वन्धित निकायलाई जानकारी गराइएको र निर्माण भइरहेको भवन रोक्न निर्देशन दिएको नगरप्रमुख पोखरेलले बताउनुभयो ।