काठमाडौं। सरकारले कोभिड- १९ फैलिन नदिन लागू गरेको देशव्यापी लकडाउन अझै केहीदिन थप्ने तयारी गरेको छ।
यसअघि बसेको मन्त्रिपरिषद्को बैठकले तेस्रो पटकका लागि ३ बैशाखसम्म लकडाउन लागू गरेको थियो।
लकडाउनलाई निरन्तरता दिने वा नदिने र सरकारले कोभिड- १९ विरुद्ध अझै गर्नुपर्ने तयारी लगायतका विषयमा छलफल गर्न मन्त्रिपरिषद्को बैठक बस्दैछ।
आज बिहान ११ बजे प्रधानमन्त्री निवास बालुवाटारमा प्रधानमन्त्री केपी शर्मा ओलीले बैठक बोलाउनु भएको छ ।